Погода в Слониме:Погода на неделю:
-1..-3
EUR - 2.398 BYN
USD - 2.03 BYN
RUB - .03478 BYN
АИ-92 — 1.17 руб.
АИ-95 — 1.25 руб.
ДТ — 1.29 руб.
Газ — 0.65 руб.
Цены на жизнь
Бюджет прожиточного минимума: 183.00 руб.
Минимальная з/п: 265.00 руб.
Тарифная ставка первого разряда: 31.00 руб.
Базовая величина: 23.00 руб.
Ставка рефинансирования: 13%
Беларусь
254

Змагароў з арганізаванай злачыннасцю абакралі амаль на 270 тысяч долараў

18.04.2017 З сейфа ў будынку Галоўнага ўпраўлення па барацьбе з арганізаванай злачыннасцю і карупцыяй МУС Беларусі невядомы скраў амаль 270 тысяч долараў.

Фота «БП»

Пра дзёрзкі крадзеж, які адбыўся літаральна пасярод белага дня, піша "Беларускі партызан". Злачынства адбылося яшчэ на пачатку года — 8 студзеня, але вядома пра яго стала толькі цяпер. Звесткі пра яго трапілі ў Адзіны дзяржаўны рэестр судовых рашэнняў Украіны праз пастанову Шаўчэнкаўскага раённага суда Кіева.

З дакумента вынікае, што беларускія праваахоўнікі звярнуліся па дапамогу да ўкраінскіх калег па крымінальнай справе №17128000037, пачатай на грамадзяніна N. Яго вінавацяць у крадзяжы ў асабліва буйным памеры, за што пагражае ад 3 да 12 гадоў пазбаўлення волі з канфіскацыяй маёмасці.

Як можна зразумець, каля 9-й гадзіны раніцы 8 студзеня 2017 года грамадзянін N скраў з сейфа ў кабінеце № 107 адміністрацыйнага будынка №3 на вуліцы Рэвалюцыйнай грошы ў памеры 269 150 долараў. 

У гэтым будынку размяшчаецца Галоўнае ўпраўленне па барацьбе з арганізаванай злачыннасцю і карупцыяй МУС Беларусі (ГУБАЗіК). Іншых арганізацый у гэтым будынку няма. 

Ужо ў 13.00 зламыснік перасёк беларуска-ўкраінскую мяжу. Паведамляецца, што ва Украіне ён сустрэўся з жанчынай (яе асобу вызначылі), а таксама размаўляў па тэлефоне з невядомым мужчынам.

9 студзеня каля 6-й гадзіны раніцы зламыснік ужо з'ехаў з Украіны ў Румынію, дзе яго сляды згубіліся.

Варта звярнуць увагу, што крадзеж адбыўся ў выходны дзень — нядзелю. Сам будынак ГУБАЗіК аснашчаны відэакамерамі, а на ўваходзе размяшчаюцца дзяжурная частка, турнікет і ахова.

Украінскі суд задаволіў хадайніцтва следчага аб аказанні прававой дапамогі беларускім калегам.

Читайте также:
Комментарии / Обсудить
comments powered by HyperComments