Здарэнні ў Слоніме

Напечатать Отправить ссылку RSSОбсудить на форуме

Паквапіўся на прадукты
Вечарам у кватэру жыхаркі Навасёлак залез мясцовы жыхар і хацеў украсці прадукты харчавання. Але гэта зрабіць яму не дазволілі.

Праводзіцца праверка.

Маці пабіў сын
У Слонімскую бальніцу была дастаўлена 78-гадовая пенсіянерка з гематомай. Аказалася, што яе моцна пабіў сын.

Памерла ў ванне
У ванным пакоі на Шасэйнай вуліцы быў выяўлены труп 71-гадовай сланімчанкі без прыкметаў гвалтоўнай смерці.

Прычана смерці выяўляецца.

Б’юць на дыскатэцы
У апошні час моладзь б’е адзін аднаго на дыскатыцы “Оскар”. 30 студзеня ў міліцыю паступіла заява ад сланімчанкі, якой пашкодзіў твар невядомы. Асобу хутка вызначылі.

У гэты самы вечар пабілі яшчэ адну дзяўчыну, якая таксама з заявай звярнулася ў міліцыю.

Угналі мікрааўтобус і ўкралі тэлефоны
У ноч з мінулай пятніцы на суботу з Брэсцкай вуліцы ў Слоніме ўгналі мікрааўтобус “Фольксваген”.

У адной з кватэр у мікрараёне Альбярцін падчас адсутнасці дома гаспадароў укралі тэлефон з аўтаадказчыкам “Русь” і базу да радыётэлефона “Панасонік”.

Па абодвух выпадках узбуджаны крымінальныя справы.

Супрацоўнікі Слонімскага РАУС звяртаюцца з просьбай да магчымых сведак гэтых здарэнняў падзяліцца з імі інфармацыяй. Ананімнасць і ўзнагарода гарантуюцца.

Пагарэлі на мабільніках
На мінулым тыдні слонімец заявіў у міліцыю, што знаёмы дачкі адабраў у яе мабільны тэлефон.

І яшчэ адзін жыхар горада паведаміў у райаддзел міліцыі пра тое, што знаёмы забраў у яго дома ягоны мабільнік.

Работнікі міліцыі выявілі асобы зламыснікаў і завялі супраць іх крымінальныя справы.

Комментарии

Послать комментарий

Читать комментарии