06.02.2010 Комментарии

Назіральнік з Гродна: “На выбарах ва Украіне — уражанне даверу паміж сябрамі камісіі”

Напечатать Отправить ссылку RSSОбсудить на форуме

ЦВК Украіны на выбарах прэзідэнта зарэгістравала амаль тры тысячы міжнародных назіральнікаў. Сярод іх гродзенскі праваабаронца Уладзімір Хільмановіч, які працаваў у Ровенскай вобласці (паўночны захад). Уражаннямі ад першага тура ён падзяліўся з карэспандэнтам “ГС”.

— Ва Украіне няма датэрміновага галасавання. Празрыстыя скрынкі выстаўляюцца непасрэдна ў дзень выбараў, — распавёў Уладзімір Хільмановіч. — Было 18 кандыдатаў, і кожны прадставіў у камісію мінімум па адным чалавеку. На ўчастках была развешана інфармацыя пра крымінальную адказнасць. Напрыклад, калі муж прагаласаваў за жонку — да 3 гадоў пазбаўлення волі, за наўмысную фальсіфікацыю вынікаў галасавання — да 12 гадоў турмы.

Яшчэ адна асаблівасць, пра якую расказаў праваабаронца з Гродна, — адсутнасць на выбарчым участку міліцыянтаў. Яны прысутнічаюць у будынку, дзе ідзе галасаванне, каб у выпадку эксцэсаў іх маглі аператыўна выклікаць, але непасрэдна на ўчастку іх няма.

— Да канца выбараў я, як назіральнік, не магу даваць якія-кольвек ацэнкі, — зазначыў Уладзімір Хільмановіч.

— Але ў цэлым першы тур пакінуў уражанне дэмакратычнасці і празрыстасці.
Нагадаем, другі тур прэзідэнцкіх выбараў адбудзецца ў нядзелю, 7 лютага. За пасаду кіраўніка дзяржавы змагаюцца прэм’ер-міністр Украіны, лідэр Усеўкраінскага аб’яднання “Бацькаўшчына” Юлія Цімашэнка і старшыня Партыі рэгіёнаў Віктар Януковіч. Паводле дадзеных ЦВК, у першым туры яны набралі 25,05% і 35,32%  адпаведна. Першую найбольш падтрымліваюць у абласцях Заходняй і Цэнтральнай Украіны, другога — ва ўсходніх, паўднёвых рэгіёнах і Закарпацці.

Комментарии

Послать комментарий Читать комментарии

Имя:

Тема:

Комментарий:

Введите CAPTCHA код: