Якія гродзенскія прадпрыемствы будуць прададзены ў 2010 годзе?

Напечатать Отправить ссылку RSSОбсудить на форуме

Тытунёвая фабрыка “Нёман”, ваўкавыскія “Беллакт” і мясакамбінат, “Гроднахлебапрадукт”, гродзенскі мясакамбінат могуць быць прададзены ў 2010 годзе. Гэта можа здарыцца ў выпадку, калі Беларусь не атрымае чарговы крэдыт ад Міжнароднага валютнага фонду (МВФ).

Такі варыянт развіцця падзей прагназуе Агенцтва палітычных даследаванняў BISS.

На думку эксперта гэтай арганізацыі Алены Ракавай, у выпадку адмовы МВФ даць Беларусі новы крэдыт ураду краіны для балансіроўкі гандлёвага дэфіцыту спатрэбіцца дадаткова каля 3 млрд. даляраў.

У гэтым выпадку на продаж могуць быць выстаўлены некаторыя прадпрыемствы харчовай прамысловасці і некалькі малочных заводаў — у тым ліку малаказаводы з Гродна, Ліды, Навагрудка.

Па словах эксперта, інтарэс да іх даўно праяўляюць расійскія канцэрны «Вимм-Билль-Данн» і «Юнимилк», а таксама французскі Danone і нямецкі Ehrmann.

Комментарии

Послать комментарий

Читать комментарии