Смецце можа быць крыніцай энергіі… Але праз год ці два

Напечатать Отправить ссылку RSSОбсудить на форуме

Будаўніцтва смеццеперапрацоўчага завода ў Гродне пераносіцца на 2011 год, хаця паводле нацыянальнага плану дзеянняў па рацыянальным выкарыстанні прыродных рэсурсаў і ахове навакольнага асяроддзя першую чаргу будаўніцтва — сартавальную лінію — планавалася здаць ужо сёлета.

Справа ў тым, што працэдура вылучэння Сусветным банкам пазыкі досыць складаная і патрабуе часу, дакументы ўсё яшчэ знаходзяцца… на разглядзе. Сусветны банк зрабіў некаторыя заўвагі і прапановы, адпаведна з якімі была праведзена карэктыроўка бізнес-плану, а запатрабаваныя інвестыцыі сталі больш абгрунтаванымі. Сусветны банк гатовы вылучыць на будаўніцтва $ 43 млн. з наступным пагашэннем пазыкі пароўну з рэспубліканскага і абласнога бюджэтаў. Паводле абгрунтавання інвестыцый праект ацэньваецца ў $ 56 млн., аднак рэальны кошт вызначыцца пасля правядзення тэндэраў.

Сусветны банк прапанаваў выкарыстоўваць перадавыя і больш зберагальныя тэхналогіі вытворчага цыклу. Таму спецыялісты былі вымушаны вывучаць досвед розных краін. Гродна штогод вырабляе 260 тыс. т бытавых адыходаў, а вобласць — 1,5 млн. т вытворчых і 1 млн. куб. м камунальных адыходаў. Пад палігоны цвёрдых бытавых адыходаў адведзена больш за 700 га абласных зямель.

Комментарии

Послать комментарий

Читать комментарии