Цыгарэты ў мячах і кансервах

Напечатать Отправить ссылку RSSОбсудить на форуме

На сайце Gazetу wspolczesnej http://www.wspolczesna.pl з’явіліся зробленыя польскімі мытнікамі фотаздымкі самых незвычайных схованак, у якіх беларускія кантрабандысты спрабавалі перавезці праз мяжу незадэклараваныя цыгарэты.

Паводле супрацоўнікаў мытнага ўпраўлення ў Беластоку, у мінулым годзе цыгарэты “прыязджалі” з Беларусі ў пакунках з замарожаным хлебам, мінералкай, паміж банак з колай і парашковых супоў.

Мытнікі ўвесь час дзівяцца з фантазіі кантрабандыстаў.

У мінулым годзе іх асабліва ўразілі цыгарэты, схаваныя ў банках з кансервамі, фабрычных пакунках кавы, сухіх сняданкаў і ў футбольных мячах, якія знаходзіліся ў багажы гродзенскай футбольнай каманды http://www.t-styl.info/by/46/1/2399/ .

Найчасцей цыгарэты хаваюць у прыватных аўто — з досведу мытнікаў, тытунёвую кантрабанду можна знайсці ў любых частках машыны.

Цыгарэты — найбольш папулярны тавар сярод кантрабандыстаў, якія “працуюць” на беларуска-польскай мяжы.

Летась польскія мытнікі канфіскавалі 104 мільёны цыгарэт — амаль у 2 разы больш, чым у 2008 годзе.

Комментарии

Послать комментарий

Читать комментарии