У Ашмянах з’явіўся антыкарупцыйны інтэрнат

Напечатать Отправить ссылку RSSОбсудить на форуме

Яго першымі жыхарамі стануць мытнікі з Віцебска ды Магілёва, якія будуць камандзіраваныя на службу на Гарадзеншчыну. Такім чынам беларуская мытня збіраецца змагацца з карупцыяй у сваіх шэрагах.

Камандзіраваныя мытнікі з іншых рэгіёнаў краіны не «абцяжараныя» рознымі «знаёмствамі» да «сувязямі», якія часта станавіліся асноўнай прычынай парушэння антыкарупцыйнага заканадаўства з боку мытнікаў.

Будаўніцтва інтэрната ў Ашмянах доўжылася тры гады. Першымі яго жыхарамі сталі 12 супрацоўнікаў мясцовай мытні.

Такога кшталту інтэрнаты плануецца пабудаваць таксама ў Гродне і Брэсце. Гэта прадугледжваецца праграмай «Аператыўная мытня», якую здзяйсняе Дзяржаўны мытны камітэт Беларусі.

Яшчэ два гады таму Аляксандр Лукашэнка заявіў, што карупцыя на беларускай мытні з хранічнага захворвання перарасла ў ракавую пухліну.

Стварэнне антыкарупцыйных інтэрнатаў з’яўляецца адным з крокаў па выкараненні хабарніцтва сярод мытнікаў.

Ашмянская мытня — адна з найбуйнейшых у Беларусі. Яе зона дзейнасці ахоплівае тэрыторыю дзвюх абласцей — Гродзенскай і Віцебскай.

Працягласць мытнай мяжы складае звыш 420 км. Службу тут нясуць больш за 500 мытнікаў.

Комментарии

Послать комментарий

Читать комментарии