У Навагрудскім раёне пабудуюць ветрапарк

Напечатать Отправить ссылку RSSОбсудить на форуме

Першы вятрак магутнасцю 1,5 МВт плануецца запусціць ужо ў наступным годзе. “Эканамічна больш выгодна будаваць адразу некалькі ветраных млыноў, таму мы разглядаем перспектыву стварэння яшчэ дзевяці ветраэнергетычных установак”, — паведаміў карэспандэнту “ГС” начальнік аддзела капітальнага будаўніцтва РУП “Гроднаэнерга” Кастусь Жынь.

Паводле даследаванняў спецыялістаў “Гроднаэнерга”, Навагрудскае ўзвышша добра падыходзіць для ўзвядзення ветраных млыноў. “Ветракі працуюць пры хуткасці ветру ад 3 да 25 м/с, — патлумачыў Кастусь Жынь. — Магутнасць 1,5 МВт вятрак набірае пры хуткасці ветру 7 м/с”.

Мяркуецца, што ветраны парк размесціцца каля вёскі Грабнікі, што знаходзіцца за паўтара кіламетра ад раённага цэнтра. Кошт аднаго ветрака — 3 млн. даляраў.

Ужо больш за 10 гадоў працуюць два ветракі ў вёсцы Занарач (Мядзельскі раён Мінскай вобласці). Іх намінальная магутнасць — 250 кВт і 600 кВт — забяспечвае патрэбы больш за 700 сем’яў раёна. Ветракі ўзведзены сіламі беларуска-нямецкай дабрачыннай арганізацыі “ЭкаДом” і нямецкай НГА “Дамы замест Чарнобыля”. Некалькі тысяч нямецкіх грамадзян ахвяравалі грошы на ветраэнергетычныя ўстаноўкі для Беларусі ў знак дапамогі ўсім пацярпелым ад аварыі на ЧАЭС.

Комментарии

Послать комментарий

Читать комментарии