На сённяшні дзень сітуацыя ў сістэме адукацыі такая. У Мастах існуюць чатыры навучальныя ўстановы: гімназія, другая, трэцяя і пятая СШ. Чацвёртая — пачатковая, што знаходзілася на завакзаллі, зліквідавана з той нагоды, што будынак быў стары і не прыстасаваны для паўнавартснага навучальнага працэсу. Школьнікам з вёскі Малыя Сцяпанішкі да бліжэйшай школы — амаль чатыры кіламетры дарогі
У раёне захаваліся толькі сярэднія школы. Іх адзінаццаць. А было чатырнаццаць.
За апошнія гады былі зліквідаваны Малькавіцкая і Струбніцкая сярэдняя школы. Прычына адна — ненапаўняльнасць класаў. А дакладней, адсутнасць дзяцей.
Гэткі ж лёс напаткаў чатыры пачатковыя школы. Не стала і сярэдняй школы імя героя Вялікай Айчыннай вайны лётчыка Чарменнага ў Чарлёне, а ў ёй выкладаў цяперашні загадчык аддзела адукацыі райвыканкама Валянцін Ціхановіч.
Неўзабавае паўстане пытанне закрыцця сярэдніх школаў у Мікелеўшчыне і Галубах. У першай менш як 50 вучняў. У другой у мінулым годзе быў толькі адзін першакласнік.