У Светлагорску згулялі ўнічыю

Футбольныя баталіі ў Светлагорску

«Хімік» (Светлагорск): Танько, А. Бяляўскі, В. Бяляўскі, Голік, Чырык, Камароў (Петрушэўскі), Пырх, Шупляк, Бяляўскі, Міхальчук (Пугач), Насановіч (Пракапенка).
Запасныя: Бабруйка, Сенцюроў, Кундро, Шаўчонак.
«Слонім-2017»: Чашун, Глебаў, Жукаў (Жылінскі), Чытанава, Калінін (Дзегцяроў), Касцючык, Міхальцоў, Пагодзін, Пузач (Спасюк), Салавей, Харланаў.
Запасныя: Пацэвіч, Падрэцкі, Чэпа.

Пасля дзвюх параз у пачатку другога круга ФК «Слонім-2017» меў добрыя шанцы рэабілітавацца ў гульні са светлагорскім «Хімікам». У няблізкі Светлагорск слонімская каманда выехала за дзень да матча, каб быць на наступны дзень у добрай форме.

Першы тайм быў практычна роўны. Абедзве каманды аднолькава валодалі мячом. Больш-менш рэальны шанец вы­значыцца ў слонімцаў меў Міхальцоў, які стрэліў па цэнтры брамы, дзе знахо­дзіўся кіпер.

У другім тайме выхад на поле, бадай, самага вопытнага гульца ў складзе абедзвюх каманд Дзегцярова (ён калісьці граў у маскоўскім «Лакаматыве» і «Тарпеда») крыху ажывіла гульню «Слоніма-2017» і дадала ёй цікавасці. Але ў нашых гульцоў, на жаль, нічога не атрымлівалася з рэалізацыяй. «Хімік» жа меў рэальны момант вызначыцца, але, на шчасце слонімцаў, мяч трапіў у перакладзіну.

Сустрэча так і завяршылася нулявой нічыёй. Зазначым, што гэта была першая гульня «Слоніма-2017» без галоўнага трэнера Вячаслава Царука, які сышоў з каманды. Кіраваў «Слонімам-2017» гэтым разам трэнер Аляксандр Кадаўбік.

Наступны матч наш клуб правядзе 26 жніўня ў Слоніме ў гульні з пінскай «Хваляй». Прыходзьце і падтрымайце родны клуб у апошнія выходныя лета!

Перепечатка материалов GS.BY возможна только с письменного разрешения редакции. Подробности здесь