Наверх
Слоним
weather
0
Зельва
weather
0
Волковыск
weather
0
Мосты
weather
0
Дятлово
weather
0
Барановичи
weather
0
EUR 2.3557
USD 2.095
RUB(100) 3.2765
Цены на жизнь
Минимальная з/плата: 330 руб.
Бюджет прожиточного минимума: 214,21 руб.
Тарифная ставка первого разряда: 35,5 руб.
Базовая величина: 25,5 руб.
Ставка рефинансирования: 10%

«Буду здзіўляць Мінск і журы сваёй беларускасцю»

30 ноября 2017 16:24
422
Поделиться:
Сланімчанка Аляксандра Радковіч, студэнтка філфака ГрДУ, у лістападзе атрымала тытул «Студэнт года – 2017» у абласным этапе конкурсу па Гродзенскай вобласці і будзе прадстаўляць рэгіён у фінале. Зазначым, што выступала дзяўчына на роднай беларускай мове, чым і скарыла журы. Карэспандэнт "ГС" паразмаўляў з Аляксандрай, якая рыхтуецца да фіналу, які пройдзе ў Мінску.

Сланімчанка Аляксандра Радковіч

— Пані Аляксандра, які ў Вас настрой пасля перамогі ў абласным этапе  «Студэнт года – 2017» і далейшыя планы ў гэтай сферы?

— Вельмі шчаслівая і ганаруся тым, што менавіта я буду прадстаўляць Гродзенскую вобласць на рэспубліканскім этапе. Гэта вельмі адказна, і, што думкі хаваць, я вельмі хвалююся. Ну а настроена, канешне ж, рашуча. На сённяшні дзень актыўна і старанна рыхтуемся. Буду здзіўляць Мінск і журы сваёй беларускасцю, шчырасцю і арыгінальнасцю. Спадзяюся, што гэты конкурс стане яшчэ адным медалём у скарбонку майго жыцця.

— Калі адбудзецца фінал у Мінску?

— Конкурс будзе праходзіць з 6 да 8 снежня.

Аляксандра Радковіч

— Раскажыце, калі ласка, увогуле пра сабе.

— Мне 19 гадоў, і, як я лічу, за свае 19 я ўжо зрабіла шмат крокаў насустрач сваёй мары. Усё пачалося яшчэ з вёскі Кракотка, дзіцячага садка ў Сялявічах, калі мяне, як бы гэта смешна ні гучала, папрасілі заспяваць частушкі пад баян. У мяне атрымалася. Магчыма, маё імкненне да музыкі і творчасці перадалося ад маёй бабулі, якая спявала раней у гурце «Грымата». Пасля гэтага дзяўчынка з маленькай вёсачкі пачала ездзіць выступаць у Слонім і атрымлівала нават дыпломы.

Пасля я пераехала ў Слонім, дзе захацела пайсці у музычную школу №2 па класе скрыпкі, але на праслухоўванні мне сказалі, што лепш ісці на клавішны інструмент, таму я ў далейшым скончыла 9 класаў па фартэпіяна. У школе я не сядзела на месцы і была задзейнічана ўсюды: ва ўсіх чытаннях, і спевах, і танцах. Была вядучай на многіх імпрэзах. Калі я была ў шостым класе, мая настаўніца беларускай мовы і літаратуры Ірына Уладзіміраўна Захарчук адкрыла ўва мне яшчэ і аратарскія здольнасці, за што я ёй вельмі ўдзячная, гэты чалавек зрабіў шмат для майго станаўлення. Яна разам з настаўніцай рускай мовы Марынай Іванаўнай Епанешнікавай паспрыялі ў далейшым выбары майго жыццёвага шляху.

Узнагароджваюць Аляксандру Радковіч

Усяго гэтага б не было, калі б побач са мной не было маіх бацькоў. Яны мая апора і натхненне, гэта мая надзейная прыстань, да якой я кожны раз прыплываю, калі мой шлях блытаецца і карабель губляе курс. Яны заўсёды побач са мной, нават у тыя моманты, калі знаходзяцца ад мяне на вялікай адлегласці. Мая сям`я — гэта ўвесь мой свет.

— Вы таксама сёлета ўдзельнічалі ў конкурсе «Гарадзенская беларусачка», дзе занялі ганаровае месца. Адкуль гэткая цяга да роднай мовы?

— Я навучаюся па спецыяльнасці «беларуская філалогія», таму мне самой у плюс весці гутаркі на мове. Тым самым я пашыраю сваё кола слоў і выразаў. Люблю чуць мову ў магазінах, інтэрнэце, для вушэй прыемней нават. Пераважна маё асяроддзе складаецца з беларускасці, пачынаючы ад універсітэта. Яшчэ, напэўна, жыццё з маленства ў вёсцы такі зрабіла сваю справу.

На сцэне танчыць Аляксандра Радковіч

— Якія ў Вас улюбёныя кнігі на беларускай мове, беларускія гурты?

— Люблю кнігу, якую прачытала яшчэ ў школе. Гэта «Прынцэса з тусоўкі» Яўгена Хвалея, а так больш душа ляжыць да паэзіі, люблю Танка і Панчанку. Іх філасофія мяне цікавіць больш за доўгія паэмы і творы, буду шчырай. З музыкі гэта, канешне, «Соніка», «UZARI», «Ляпіс». Вельмі люблю гэтыя гурты.

— Каму прысвеціце сваю перамогу у конкурсе?

— Вядома, сваім бацькам. Кожная мая перамога — гэта і іх перамога.

Наш канал в Telegram
Прислать свою новость
Читайте также
‡агрузка...
Обратите внимание