Тры ідэі, як палепшыць Слонім, ад Анастасіі Трафімчык

Анастасія Трафімчык скончыла СШ №9 г. Слоніма, педагагічны факультэт ГрДУ імя Янкі Купалы і цяпер працуе настаўніцай пачатковых класаў у Гародні

Зладзіць курсы «Мова нанова» ў Слоніме

На занятках курсаў «Мова нанова». Фота intex-press.by

Беларускамоўных людзей у нашай краіне няшмат, але яны ёсць. Часцей за ўсё я сустракаю іх на курсах беларускай мовы «Мова нанова» ў Гародні. Студэнткай курсаў з`яўляюся вось ужо чацвёрты год. За гэты час былі заняткі на розныя цікавыя тэмы, шматлікія знаёмствы з вядомымі беларусамі, спевы, танцы, гульні! «Мова нанова» існуе ў 15 гарадах Беларусі, хочацца, каб і наш горад пабачыў гэтыя курсы. Для слонімцаў гэта будзе магчымасць у нетрадыцыйнай форме вывучаць родную мову і право­дзіць карысна час у кампаніі аднадумцаў.

Праводзіць «Марафон экскурсаводаў»

Экскурсія. Фота belpost.by

Каб больш даведацца пра гісторыю роднага Слоніма, прапаную праводзіць экскурсіі па горадзе. Іх правядзенне можна даверыць як прафесіяналам, так і аматарам, гісторыкам. Стварыць суполку ў сацыяльных сетках, каб не толькі слонімцы мелі магчымасць паўдзельнічаць, але і людзі з іншых гарадоў і краін маглі запланаваць візіт у Слонім. Ла­дзіць конкурсы на самую лепшую экскурсію, рабіць квэсты. Маршруты можна складаць разам, ствараць апытанне на лепшы час правядзення, праводзіць анлайн-трансляцыі і сачыць за колькасцю ўдзельнікаў. З экскурсій можна даведацца шмат карыснага і незвычайнага пра родны горад, пазнаёміцца з новымі людзьмі і атры­маць добрую фізічную нагрузку падчас пешага маршруту альбо катання на ровары.

Стварыць у адрэстаўраванай сінагозе творчую пляцоўку

Госці з замежжа ў сінагозе

З самага дзяцінства назіраю за змяненнямі ў гістарычных будынках Слоніма, і маім доўгачаканым жаданнем з`яўляецца рэстаўрацыя помніка архітэктуры барока — сінагогі. Лічу, што аднаўленне сінагогі павялічыць коль­касць замежных турыстаў і цікавасць да гісторыі нашага горада, а таксама краіны. А там ужо «Марафон экскурсаводаў» падключыцца. Вельмі зручна, што сінагога знаходзіцца ў цэнтры горада і мае вялікае памяшканне, таму адбудаваную сінагогу бачу пляцоўкай для правядзення розных імпрэзаў, сустрэч і выстаў.

«Слонім – прыгожы горад з багатай гісторыяй. Прыязджаючы дахаты, люблю сустрэцца з сябрамі, пагуляць па горадзе, заўважыць змяненні ў гістарычных будынках і даведацца пра апошнія навіны са старонак любімай газеты».

Вуліца Даватара ў Слоніме. Фота Яўгена Валадашчука

Три идеи, как улучшить Слоним, от неТипичных слонимчан

Три идеи, как улучшить Слоним, от Андрея Ракевича

Тры ідэі, як палепшыць Слонім, ад Антона Трафімовіча

Три идеи, как улучшить Слоним, от Вадима Юрчака

Три идеи, как улучшить Слоним, от Антона Анищука

Три идеи, как улучшить Слоним, от Сергея Васильева

Три идеи, как улучшить Слоним, от Евгения Семененко