Наверх
Слоним
ясно
7 °C
Зельва
ясно
7 °C
Волковыск
облачно
9 °C
Мосты
облачно
9 °C
Дятлово
облачно
9 °C
Барановичи
ясно
7 °C
EUR 2.2626
USD 2.0438
RUB(100) 3.199
Цены на жизнь
Минимальная з/плата: 330 руб.
Бюджет прожиточного минимума: 214,21 руб.
Тарифная ставка первого разряда: 35,5 руб.
Базовая величина: 25,5 руб.
Ставка рефинансирования: 10%

Галоўны рэдактар «Мастацкай літаратуры» наведаў Слонім

26 июля 2019 15:08
Поделиться:
Апошнім часам не рэдкасць убачыць у Слоніме міністраў і іншых высокіх начальнікаў са сталіцы ды з вобласці. Але не толькі начальнікі рыхтуюцца да Дня беларускага пісьменства і друку. Пісьменнікі, выдаўцы ды рэдактары выдавецтваў таксама не мінаюць наш горад.

Распавядае дзецям пра кнігі

У пятніцу, 26 ліпеня, выданні дзяржаўнага выдавецтва «Мастацкая літаратура» ў новай слонімскай кнігарні «Санет» прэзентаваў галоўны рэдактар выдавецтва паэт Віктар Шніп.

Слухаюць паэта дзеці і дарослыя

Распавёўшы пра кнігі класікаў беларускай літаратуры ды паказаўшы шыкоўныя тамы Янкі Купалы, Якуба Коласа, Максіма Багдановіча і Уладзіміра Караткевіча, якія знайшліся ў краме, Віктар Шніп заўважыў, што ім у выдавецтве патрэбна парупіцца, каб тут было больш кніг для дзяцей.

Паэт дорыць сваю кнігу юнай чытачцы

Тым часам школьнікі малодшых класаў, якія са сваімі выхавацелямі-настаўнікамі прыйшлі ў кнігарню на сустрэчу з жывым пісьменнікам, з захапленнем слухалі расповеды Віктара Шніпа пра яго дзяцінства, пра паход у Вязанку да Янкі Купалы ды пра першае каханне. Найбольш дасціпным і актыўным слонімскім школьнікам Шніп падараваў сваю кнігу «Пугачоўскі цырульнік» з аўтографам аўтара. Той жа падарунак атрымалі ад сталічнага госця і некаторыя дарослыя.

Сяргей Чыгрын і Віктар Шніп

На пытанне карэспандэнта «ГС», ці плануюць у «Мастацкай літаратуры» выдаць кніжку кагосьці са слонімскіх пісьменнікаў, галоўны рэдактар адказаў, што ў планах выдавецтва значылася выдаць сёлета да Дня беларускага пісьменства і друку кнігу «Літаратурная Слонімшчына», але гэты праект не падтрымалі фінансава слонімскія ўлады.

Чытае верш дзецям

Мясцовым уладам застаецца, хіба, толькі падзякаваць пісьменніку і журналісту са Слоніма Сяргею Чыгрыну, які за ўласны кошт ды з дапамогай спонсараў выдае свае кнігі пра Слонім, і яны яшчэ ёсць у продажу. А то было б зусім сорамна, што ў старажытным Слоніме няма кніжак пра Слонім.

Сяргей Чыгрын і Святлана Адамовіч слухаюць выступленне Віктара Шніпа

Што да сустрэчы ў кнігарні з Віктарам Шніпам, то яна прайшла жыва і з цікавасцю як для дарослых, так і для дзяцей, дзякуючы харызме сталічнага госця, які родам з вёскі Пугачы на Валожыншчыне.

Наш канал в Telegram
Читайте также
Обратите внимание