Наверх
Слоним
небольшая облачность
21 °C
Зельва
небольшая облачность
21 °C
Волковыск
облачно с прояснениями
22 °C
Мосты
облачно с прояснениями
22 °C
Дятлово
облачно с прояснениями
22 °C
Барановичи
облачно с прояснениями
18 °C
EUR 2.8863
USD 2.4571
RUB(100) 3.3582
Цены на жизнь
Минимальная з/плата: 375 руб.
Бюджет прожиточного минимума: 256,10 руб.
Тарифная ставка первого разряда: 35,5 руб.
Базовая величина: 27 руб.
Ставка рефинансирования: 8,75%

Іван Бедка: «Я падтрымаю любога, хто за незалежную, дэмакратычную Беларусь без карупцыі»

14 июня 2020 9:00
Поделиться:
Іван Бедка

Іван Бедка. Фота з архіва "ГС"

У краіне працягваецца збор подпісаў. Пра сваё стаўленне да выбарчай кампаніі распавядае кіраўнік слонімскай Беларускай хрысціянскай дэмакратыі Іван Бедка.

— Што можаце сказаць наконт сёлетняй выбарчай кампаніі?

— Як мы бачым з таго, што адбываецца падчас гэтай, так бы мовіць, кампаніі, то язык не паварочваецца назваць яе выбарчай. Людзей хапаюць на месцах збору подпісаў. Хапаюць пры выхадзе з дому. Арганізоўваюць розныя правакацыі. Штрафуюць, садзяць на суткі ў турмы. Не рэгіструюць ініцыятыўныя групы. Не прапускаюць грамадскіх актывістаў у раённыя камісіі. Вось такую выбарчую вакханалію развяла цяперашняя ўлада.

— У чым падабенства і адрозненне сёлетняй кампаніі ад кампаніі 2010 года?

— Гэтыя кампаніі амаль нічым не адрозніваюцца, толькі ў сёлетняй кампаніі рэпрэсіі пачаліся з пачаткам кампаніі, а ў 2010 годзе — пад канец. У 2010 го­дзе пасля фальсіфікацыі выбараў пачалася плошча.

Я браў удзел у падзеях на плошчы, быў арыштаваны на 15 сутак. На плошчы таксама былі правакацыі. Усё скончылася хапуном. Шмат людзей пасаджалі ў турмы. Хапалі, білі дубінамі без разбору, загружалі ў аўтазакі, развозілі па турмах. Галоўнае адрозненне сёлетняй кампаніі ў тым, што яе ўлада праводзіць падчас пандэміі каранавіруса. На маю думку як медработніка, гэта злачынства супраць народа. Там ні аб якіх мерах бяспекі немагчыма гаварыць.

— Якая роля Беларускай хрысціянскай дэмакратыі і яе сустаршыні ў сёлетніх выбарах?

— Наша партыя БХД сем разоў падавала дакументы на рэгістрацыю, але ўлады знаходзілі розныя надуманыя прычыны, каб адмовіць нам у рэгістрацыі.

Задзейнічалі КДБ, кіраўнікоў арганізацый, каб запалохаць тых, хто паставіў свой подпіс у спісе сябраў арганізацыі.

Павел Севярынец бярэ актыўны ўдзел у гэтай кампаніі. Ездзіць па рэгіёнах, праводзіць тлумачальную работу сярод грамадзян. Віталь Рымашэўскі падаў заяву ў пракуратуру аб парушэнні заканадаўства падчас выбарчай кампаніі. Вольга Кавалькова зарэгістравала сваю ініцыятыўную групу, якая праводзіць тлумачальную работу, прызывае грамадзян самаарганізоўвацца, каб адстойваць свой выбар.

— Ці будзеце назіраць за выбарамі? Каго падтрымаеце сярод удзельнікаў кампаніі?

— Калі ўлада дасць магчымасць праводзіць назіранне, безумоўна, буду назіраць і фіксаваць усе парушэнні заканадаўства. Але мой вялікі вопыт назірання паказвае, што ўладзе на ўсё напляваць. Вынікі выбараў яны малююць такія, якія ім патрэбны.

Я падтрымаю любога, хто за незалежную і самастойную, дэмакратычную Беларусь без карупцыі.

— Які кандыдат у прэзідэнты патрэбен беларусам?

— На маю думку, патрэбны чалавек, які любіць свой народ, сваю краіну, сумленны, які будзе адстойваць інтарэсы дзяржавы, а галоўнае, здаровы, без усялякіх хібаў.

— Лукашэнка затрымлівае актывістаў. Ці здольны грамадзяне Беларусі самаарганізавацца?

— Хачу спадзявацца, што грамадзяне здолеюць самаарганізавацца на гэтым выбарчым спектаклі. Калі не, то гэта можа каштаваць Беларусі незалежнасці. Таму што гэтая ўлада нічога добрага прапанаваць не здольная. Дакіраваліся: ні работы, ні дастойных заробкаў людзям.

— Што Вы можаце сказаць пра Ціханоўскага, Цэпкалу і Бабарыку? Хто з іх Вам бліжэй?

— Нікога з іх не ведаю так, каб мог ім верыць. Тым, хто быў ва ўладзе Лукашэнкі, асабліва не веру. Напэўна, бліжэй Ціханоўскі, калі ён падтрымлівае тыя каштоўнасці, пра якія сказана вышэй.

— Чаму людзі паверылі ім і ідуць за імі?

— Людзям абрыдла існуючая ўлада на чале з Лукашэнкам. Яны патрабуюць пераменаў. Хочуць жыць у цывілізаванай краіне.

— Ці можа сысці Лукашэнка сёлета, калі яго вельмі добра папросіць народ?

— Думаю, Лукашэнка проста так уладу нікому не ўступіць. Выбары сфальсіфікуе і будзе рабіць усё, каб застацца ў прэзідэнцкім крэсле. Можа сысці, толькі калі народ масава выкажа сваю нязгоду з ім.

Наш канал в Telegram
Читайте также
Обратите внимание