Наверх
Слоним
пасмурно
-2 °C
Зельва
пасмурно
-2 °C
Волковыск
пасмурно
-2 °C
Мосты
пасмурно
-1 °C
Дятлово
пасмурно
-1 °C
Барановичи
пасмурно
-3 °C
EUR 2.8763
USD 2.6395
RUB(100) 3.8142
Цены на жизнь
Минимальная з/плата: 483,17 руб.
Бюджет прожиточного минимума: 339,83 руб.
Тарифная ставка первого разряда: 41 руб.
Базовая величина: 32 руб.
Ставка рефинансирования: 8,5%

Выдаў каляндар для слонімскай вёскі Якімавічы

12 февраля 2021 16:23
Поделиться:
Каляндар для Якімавіч

Каляндар для Якімавіч

Да юбілею сваёй роднай вёскі Якімавічы Слонімскага раёна жыхар Мінска С. І. Тадра (больш вядомы нашым чытчам па псеўданіму Піліп Панок) выдаў сваім коштам насценны перакідны каляндар 2021 года.

“Са Святам, родная вёска! 8 чэрвеня 2021 г. вёсцы Якімавічы Слонімскага раёна — 480 год”, — чытаем на тытульнай старонцы каляндара, якая ўяўляе сабой каляровы фотаздымак, зроблены пры ўездзе ў Якімавічы.

Упершыню слонімская вёска Якімавічы згадваецца ў пісьмовых крыніцах у 1541 годзе. Пра гэта маецца інфармацыя ў ніжняй частцы каляндара, аздобленай двума фотаздымкамі з відамі вёскі і здымкам расколатага каменя.

Даведка: Якімавічы

У XVI стагоддзі згадваецца як сяло, прыватная ўласнасць у Слонімскім павеце Наваградскага ваяводства Вялікага Княства Літоўскага. Сяло Якімавічы (сучаснага Слонімскага раёна) ўпершыню згадваецца у матэрыялах судовай справы 1541 г., якая разглядалася Панамі Радай Вялікага Княства Літоўскага, а менавіта ў судовым дэкрэце 8 чэрвеня 1541 г. па справе пана Станіслава Збожнага Неміровіча з панам Янам Мікалаевічам Ільінічам аб маёнтку Міромін (Мурамін). Згодна з гэтымі матэрыяламі, Якімавічы з’яўляліся сялом, якое ўваходзіла ў Нагуеўскі дзясятак маёнтка Шылавічы. (Российский государственный архив древних актов. Ф. 389. Оп. 1 // Нацыянальны пстарычны apxiў Беларусі. Ф. КМФ-18. Воп. 1. Спр. 27. Арк. 63-65 адв.).

У 1569 годзе сяло, 3 службы, шляхецкая ўласнасць, уваходзіла ў маёнтак Шылавічы. У XVIII стагоддзі ў Слонімскім павеце.

У другой палове XIX стагоддзя вёска, прыватная ўласнасьць у Шылавіцкай воласьці, уваходзіла ў склад маёнтку Гавенавіцкае. Належала памешчыку Пуслоўскаму. У 1869 годзе налічвалася 160 жыхароў сялянаў-уласьнікаў. Працавала народная вучэльня, у якой навучылася 18 хлопчыкаў. У 1882 годзе заснавана шкіпінарнае прадпрыемства з паравым рухавіком. У 1884 годзе тут працавалі 8 рабочых. Паводле перапісу 1897 году 47 двароў, 300 жыхароў, меўся вадзяны млын, карчма, кузьня. Недалека ад вёскі знаходзіўся фальварак з такой самай назвай, у якім 1 двор, 26 жыхароў. У 1905 годзе ў вёсцы — 384 жыхароў, у фальварку — 7 жыхароў, на выселках — 11 жыхароў, ва ўрочышчы — 28 жыхароў, на лясной старажоўцы — 5 жыхароў.

З 1921 году ў складзе Польшчы. Уваходзіла ў Шылавіцкую гміну Слонімскага павету Наваградскага ваяводзтва. У 1921 годзе 39 двароў, 209 жыхароў.

З верасня 1939 году ў складзе БССР. З 12 кастрычніка 1940 году вёска ў Шылавіцкім, з 22 ліпеня 1966 году ў Жыровіцкім, з 6 жніўня 1979 году ў Вялікашылавіцкім сельсаветах.

Падчас Другой сусьветнай вайны ў красавіку 1943 г. у вёсцы партызанамі СССР была закатаваная сям’я Струпавец (забілі гаспадара Васіля, яго жонку Соф’ю, дзяцей Мікалая, Аркадзя, Міхаіла і Раісу). Партызаны абрабавалі хату і падпалілі. Выжыў паранены сын Васіль, які патушыў агонь у хаце. Ён застаўся інвалідам (вяскоўцы выратавалі яго — падабралі і адвезлі ў Слонім у шпіталь) і распавёў гісторыю гвалту сваёй сям’і.

Да 18 верасьня 2013 году вёска ўваходзіла ў склад Велікашылавіцкага сельсавету

Сёння в.Якімавічы па афіцыйных дадзеных налічвае 13 домаўладанняў 16 жыхароў, летам жыхароў і хат большае да 28 хат і 45 жыхароў. Вёска абслугоўваецца двойчы на тыдзень аўтакрамай, раз на тыдзень зімой і тры разы летам ходзіць аўтобус, устаноўлена 22 стацыянарных тэлефона, два разы на месяц прыязджае перасоўнае аддзяленне сувязі для аплаты камунальных паслуг і выплаты пенсій, раз у тыдзень прыязджае смеццявоз вывозіць смецце.

Наш канал в Telegram