Наверх
Слоним
облачно с прояснениями
7 °C
Зельва
облачно с прояснениями
7 °C
Волковыск
облачно с прояснениями
7 °C
Мосты
облачно с прояснениями
7 °C
Дятлово
облачно с прояснениями
7 °C
Барановичи
пасмурно
7 °C
EUR 3.1186
USD 2.5864
RUB(100) 3.4027
Цены на жизнь
Минимальная з/плата: 375 руб.
Бюджет прожиточного минимума: 256,10 руб.
Тарифная ставка первого разряда: 35,5 руб.
Базовая величина: 27 руб.
Ставка рефинансирования: 8,75%

За бел-чырвона-белы сцяг на хаце Лявона Карповіча аштрафавалі на 30 базавых

5 апреля 2021 20:06
Поделиться:

Лявон Карповіч у Луна

Суд Мастоўскага раёна 5 красавіка разгледзеў адміністрацыйную справу 77-гадовага жыхара Луна Лявона Карповіча па артыкуле 23.34 КоАП РБ і прызнаў вінаватым у адзіночным недазволеным пікетаванні шляхам вывешвання бел-чырвона-белага сцяга на сваёй хаце.

У судзе Лявон Карповіч сказаў, што вывесіў сцяг на Благавешчанне як сімвал Хрыстовай Плашчаніцы і ніякага пікета такімі дзеяннямі не ладзіў. Таксама падсудны патлумачыў значэння Дня Волі і нацыянальнай сімволікі для беларусаў і Беларусі ды нагадаў, што першую сваю прысягу беларускаму народу першы беларускі прэзідэнт даваў пад дзяржаўным тады бел-чырвона-белым сцягам.

У судзе высветлілася, што сцяг на хаце Лявона Карповіча 25 сакавіка ўбачыў пільны мясцовы ўчастковы інспектар міліцыі падчас аб’езду сваёй тэрыторыі. Ён патэлефанаваў і даклаў пра тое ў Мастоўскі РАУС. Атрымаўшы сігнал, мастоўскія міліцыянеры накіраваліся спачатку ў пракуратуру, дзе ўзялі санкцыю на агляд сядзібы Карповіча, а потым паехалі ў мястэчка. На месцы міліцыянеры забралі з хаты сцяг і самога гаспадара ў адной кашулі і хатніх пантофлях, бо Лявон Карповіч не захацеў апранацца і ехаць у міліцыю. Але паехаць прыйшлося.

У родным мястэчку Лунна

У родным мястэчку Луна

У райаддзеле міліцыі на Лявона Карповіча склалі пратакол па легендарным артыкуле 23.34 КоАП Рэспублікі Беларусь і адпусцілі дахаты.

Выслухаўшы бакі, на другі дзень каталіцкага Вялікдзеня суддзя пастанавіў пакараць Лявона Карповіча максімальным па гэтым артыкуле штрафам у 30 базавых адзінак.

Сам Карповіч вінаватым сябе не лічыць і будзе абскарджваць гэтае рашэнне суда Мастоўскага раёна ў вышэйшай судовай інстанцыі.

Даведка

Лявон Карповіч (1944) — краязнаўца і філатэліст, былы настаўнік матэматыкі. Нарадзіўся ў Ваўкавыску, жыве ў мястэчку Луна.

Аўтар кніг «Маё мястэчка Луна-Воля» (2016) і «Беларускія паштовыя маркі: ад пачатку да эміграцыі і Незалежнасьці» (2017), «Біблейскія гісторыі Новага Запавету, ілюстраваныя паштовымі маркамі» (2019), «Біблейскія гісторыі Старога Запавету…» (2021).

Удзельнічае ў філатэлістычных выставах з калекцыямі: «Біблейскія гісторыі», «Гісторыя маёй краіны», «Абняла мяне Беларусь».

Фота з архіва аўтара

Наш канал в Telegram