Наверх
Слоним
пасмурно
-1 °C
Зельва
пасмурно
-1 °C
Волковыск
пасмурно
-1 °C
Мосты
пасмурно
0 °C
Дятлово
пасмурно
0 °C
Барановичи
пасмурно
-2 °C
EUR 2.9352
USD 2.7289
RUB(100) 3.8267
Цены на жизнь
Минимальная з/плата: 483,17 руб.
Бюджет прожиточного минимума: 339,83 руб.
Тарифная ставка первого разряда: 41 руб.
Базовая величина: 32 руб.
Ставка рефинансирования: 8,5%

У Слоніме Міжнародны дзень тэатра адзначылі капуснікам, спектаклем і ўганараваннем тэатральных работнікаў

28 марта 2022 12:36
Поделиться:

У фае тэатра перад урачыстасцю

27 сакавіка ў Слонімскім дзяржаўным драмтэатры адбылася ўрачыстаць з нагоды Міжнароднага дня тэатра, на якой пабываў і карэспандэнт партала gs.by.

Васіль Сявец звяртаецца да гледачоў

Сваю сустрэчу з гледачом у гэты вечар артысты тэатра пачалі з капусніка пра тэатральнае жыццё. Першым на сцэну падняўся галоўны рэжысёр тэатра Васіль Сявец, які павіншаваў прысутных са святам ды нагадаў, што тэатр — гэта артысты і гледачы разам.

У зале на пярэднім плане загадчык аддзела культуры райвыканкама Галіна Данільчык і дырэктар тэатра Аляксей Ткачоў

Затым да галоўнага рэжысёра паравозікам з вялікім чамаданам далучыліся артысты і пачалося дзейства пра жыццё тэатра.

У гэтым дзействе на сцэне месцы хапіла і дырэктару тэатра Аляксею Ткачову, і загадчыку аддзела культуры Слонімскага райвыканкама Галіне Данільчык.

Няўрымслівы галоўны рэжысёр

Незаўважна капуснік перайшоў у камедыю “Вось табе і гоцаца”.
Па завяршэнні спектакля дырэктар зноў віншаваў прысутных са святам, коратка распавёў пра поспехі свайго тэатральнага калектыву, які, хоць і не без цяжкасцяў, але справіўся з даведзеным тэатру планам па колькасці гледачоў у першым квартале.

Сцэна са спектакля «Вось табе і гоцаца»

Потым Аляксей Мікалаевіч перадаў слова Галіне Васільеўне, якая таксама шчыра віншавала ўсіх са святам, дзякавала артыстам за іх працу, а затым уручала Ганаровыя граматы аддзела культуры лепшым работнікам тэатра.

У вобразе

Што відавочна парадавала працаўнікоў сцэны ў святочны для іх вечар — дык гэта кветкі, падарункі і словы падзякі ад гледачоў, якія выходзілі з залы і віншавалі артыстаў і ўвесь калектыў тэатра за іх працу. Як аказалася, акрамя слонімцаў, на спектаклі ў Слонім прыязджаюць гледачы з суседніх Баранавіч, Дзятлава і Зэльвы.

«Вось табе і гоцаца»

У Міжнародны дзень тэатра 27 сакавіка артысты слонімскага драмтэатра зноў на некалькі гадзін падаравалі свята для сваіх гледачоў. Дзякуй ім за гэта!

З кветкамі ў зале

Наш канал в Telegram