Ілюстрацыйнае фота
Акцыя ДАІ
Мэта гэтай акцыі — папярэджанне дарожна-транспартнага траўматызму з удзелам непаўнагадовых.
Падчас канікул пройдуць сустрэчы ў прышкольных лагерах, а калі пачнуцца заняткі, то супрацоўнікі Дзяржаўтаінспекцыі наведаюць навучальныя ўстановы і падчас гутарак з вучнямі паўтораць галоўныя і неабходныя правілы паводзінаў на дарозе.
Прафілактычную інфармацыю паведамяць бацькам праз мессэнджары і бацькоўскія чаты.
Увага кіроўцаў будзе звернута на выкананне ПДР у частцы бяспечнай перавозкі маленькіх пасажыраў, а таксама на правілы перавозкі арганізаванымі групамі.
Для прафілактыкі парушэнняў ПДР, аказання дапамогі грамадзянам і арганізацыі дарожнага руху інспектары ДАІ ў гэтыя дні будуць несці службу на найбольш напружаных участках вулічна-дарожнай сеткі, непасрэдна прылеглых да ўстаноў адукацыі, адзначае рэсурс абласной ДАІ.
Фота ДАІ