Сутыкнуліся
Раніцай 29 сакавіка на аўтадарозе Р-134 “Вялікая Бераставіца – Кваторы – Свіслач” у Бераставіцкім раёне адбылася аварыя з удзелам малакавоза “ГАЗ” і мікрааўтобуса “Газэль”, паведамляе ДАІ.
На месцы ДТЗ
Каля 9 гадзін раніцы 46-гадовы кіроўца “Газэлі” з 8 пасажырамі паварочваў налева і не даў перавагу ў руху малакавозу, які ехаў па галоўнай дарозе, у выніку чаго адбылося сутыкненне.
Пасля ДТЗ 37-гадовую і 53-гадовую пасажырак “Газэлі” шпіталізавалі ў траўматалагічнае аддзяленне Бераставіцкай бальніцы.
Па факце гэтай аварыі прызначана праверка, якая павінна выявіць усе абставіны здарэння, адзначае рэсурс абласной ДАІ.
Фота ДАІ