Пасля пажару ў кватэры ў Іўі
Днём 3 красавіка адбыўся пажар у кватэры на вуліцы Маладзёжнай у Іўі, паведамляе МНС.
Пры самастойным тушэнні ўзгарання атрымаў 12% апёкаў цела госць гаспадароў 1980 года нараджэння. Агнём пашкоджана падлога ў кватэры на плошчы 1 квадратны метр.
Абставіны гэтага здарэння высвятляе міліцыя.
Раніцай гэтага дня гарэў жылы дом у вёсцы Бальцішкі Воранаўскага раёна, а вечарам адбыўся пажар у жылым доме на вуліцы Запруднай у Гродне. У выніку гэтых пажараў ад агню пацярпелі будынкі і маёмасць у іх.
Яшчэ адзін пажар здарыўся 3 красавіка ў вёсцы Кракаўка Ашмянскага раёна, дзе агнём пашкоджаны дах, перакрыцці і маёмасць у гаспадарчай пабудове.
Прычыны пажараў высвятляюцца.
Фота МНС