Прылавак з напоямі
8 траўня ў дзяжурную частку Воранаўскага РАУС паступіла паведамленне пра рабаўніцтва ў краме ў вёсцы Місевічы, канстатуе рэсурс абласной міліцыі.
У вясковай краме жанчына адкрыта забрала з прылаўка з алкагольнымі і прахаладжальнымі напоямі тавар і пакінула краму, не заплаціўшы.
Падчас аператыўна-вышуковых мерапрыемстваў супрацоўнікі Воранаўскага РАУС затрымалі западозраную ў злачынстве, а ўкрадзенае забралі.
11 траўня супраць 35-гадовай зламысніцы, якая раней не прыцягвалася ні да адміністратыўнай, ні да крымінальнай адказнасці, узбудзілі крымінальную справу па ч.1 арт. 206 Крымінальнага кодэкса Рэспублікі Беларусь — “Рабаўніцтва”, адзначаецца ў паведамленні.
Фота УУС Гродзенскага аблвыканкама