У Жыровічах на стадыёне аграгарадка 20 траўня пройдзе фестываль у гонар святкавання яўлення іконы Божай Маці Жыровіцкай "Жыровіцкае свята".
У праграме — духоўна-патрыятычныя творы ў выкананні харавых і вакальных калектываў, салістаў, аўтараў-выканаўцаў з розных куткоў Беларусі.
Падчас імпрэзы будзе дзейнічаць выстава прадукцыі манастырскіх падворкаў, а таксама выстава-продаж вырабаў майстроў народнай творчасці.
Будуць працаваць майстар-класы народных умельцаў па выцінанцы, ганчарстве, разьбе па дрэве, саломапляценні, роспісе керамікі, ткацтве пояса.
Госцем фестывалю стане вакальны мужчынскі ансамбль з Мінска «Благавест».
Пачатак у 14 гадзін.
