Сустрэча ў тэатры
У рамках рэспубліканскай акцыі "Не пакідайце дзяцей адных!" інспектары прапаганды Слонімскага райаддзела МНС сумесна з актывістамі Беларускай маладзёжнай грамадскай арганізацыі выратавальнікаў-пажарных з сярэдняй школы №10 абсталявалі ў фае драматычнага тэатра інтэрактыўную пляцоўку і правялі цікавае і карыснае мерапрыемства, падчас якога навучылі наведвальнікаў правілам бяспечнай жыццядзейнасці, паведамляе МНС.
Дзеці з цікавасцю слухаюць
Перад пачаткам тэатралізаванага паказу дарослыя і дзеці ўзгадалі правілы бяспечных паводзін у побыце і ў грамадскіх месцах.
Яны таксама даведаліся, як дзейнічаць у выпадку надзвычайнай сітуацыі, калі апынуўся ў натоўпе падчас эвакуацыі, і якія падручныя сродкі можна выкарыстоўваць для ліквідацыі ўзгарання.
Падчас сустрэчы з юнымі гледачамі ў Слонімскім драмтэатры
Напрыканцы мерапрыемства ўсе ўдзельнікі акцыі атрымалі інфармацыйныя буклеты з карыснымі рэкамендацыямі па бяспецы, адзначаецца ў паведамленні.
Фота МНС