Ілюстрацыйнае фота
У Скідзелі кур’ер забраў каля 10 тысяч даляраў і больш за 11 тысяч еўра ў 60-гадовай жанчыны. Пацярпелая паверыла ў выдуманую гісторыю пра ДТЗ і была ўпэўнена, што ратуе ад крымінальнай адказнасці сваю дачку, паведамляе УУС Гродзенскага аблвыканкама.
27-гадовага западозранага ў злачынстве мінчаніна затрымалі пры падтрымцы АМАПа. Аднак да таго часу ён ужо паспеў перадаць грошы свайму наймальніку, пакінуўшы пасылку ў загадзя дамоўленым месцы.
Супраць кур’ера ўзбуджана крымінальная справа за махлярства ў асабліва буйным памеры, а асобы яго хаўруснікаў выяўляюцца, гаворыцца ў паведамленні.
Відэа УУС Гродзенскага абвыканкама