Па папярэдняй інфармацыі, хлопчык адпачываў з сябрамі на беразе Нёмана. Потым ён адзін пайшоў плаваць і пачаў тапіцца. Рыбакі спрабавалі дапамагчы, але падлетак ужо схаваўся пад вадой.
Цяпер цела падлетка шукаюць работнікі Таварыства выратавання на водах і МНС.
Сябры тапельца сказалі, што плаваць яны не збіраліся, а хацелі толькі паглядзець на ўлоў рыбакоў. Чаму іх таварыш пайшоў плаваць адзін — яны не ведаюць.
Месца, дзе здарыўся гэты няшчасны выпадак, для купання не прадназначана. Следчы з прыцягненнем спецыялістаў упраўлення Дзяржаўнага камітэта судовых экспертыз па Гродзенскай вобласці агледзеў месца здарэння, апытаў відавочцаў. Мастоўскі райаддзел Следчага камітэта праводзіць праверку і выяўляе ўсе абставіны інцыдэнта, адзначаецца ў паведамленні.
Фота СК