Раніцай 19 ліпеня ў Ашмянскі райаддзел МНС паведамілі пра пажар жылога дома ў вёсцы Навасёлкі. Калі выратавальнікі прыбылі на месца, то ўбачылі густы дым усярэдзіне драўлянага будынка. Падчас разведкі байцы МНС выявілі ў карыдоры мёртвым 41-гадовага гаспадара жылля. Работнікі МНС ліквідавалі пажар. Агнём пашкоджаны перакрыцці, маёмасць, закурадымлены сцены і столь у доме.
Раніцай 20 ліпеня гарэў жылы дом у вёсцы Жарно Ваўкавыскага раёна. Мясцовы жыхар расказаў выратавальнікам, што з суседняга акна ідзе густы дым, а ў доме знаходзіцца чалавек. Падчас разведкі байцы МНС і ў гэтым выпадку знайшлі мёртвым гаспадара жытла 1977 года нараджэння.
Прычына гэтых пажараў высвятляюцца, аднак, верагодней за ўсё, што прычынай трагедый стала неасцярожнае паленне загінулых, адзначаецца ў паведамленні.
З пачатку гэтага года на пажарах у Гродзенскай вобласці загінулі 39 чалавек, 23 з іх — з-за неасцярожнасці пры паленні, канстатуюць выратавальнікі.
Фота МНС