На месцы ДТЗ
Наезд на дзіця здарыўся ў вёсцы Ганчары Іўеўскага раёна 22 ліпеня ў 17.20, паведамляе ДАІ.
39-гадовая кіроўца легкавіка “Рэно” падчас руху па Цэнтральнай вуліцы Ганчароў здзейсніла наезд на 5-гадовага хлопчыка, які раптоўна выбег на дарогу з двара жылога дома.
Легкавік «Рэно»
У выніку здарэння хлопчык з траўмамі шпіталізаваны ў рэанімацыйнае аддзяленне бальніцы.
Па факце гэтага ДТЗ праводзіцца праверка, а інспектары ДАІ заклікаюць бацькоў нагадваць дзецям пра выкананне правілаў ПДР і быць для іх у гэтым прыкладам.
З пачатку года ў Гродзенскай вобласці зарэгістравана 18 ДТЗ з удзелам дзяцей, у якіх адно дзіця загінула і 19 атрымалі траўмы, адзначаецца ў паведамленні.
Фота ДАІ