І пры гэтым колькасць выпадкаў адсутнасці тэхагляду і, адпаведна, допуску да ўдзелу ў дарожным руху ў вобласці толькі павялічваецца, канстатуе абласная ДАІ.
ДАІ нагадвае, што пасля адвязкі ад дарожнага збору (з 1 студзеня 2021 года) прайсці тэхагляд стала значна прасцей.
Тэхагляд стандартнага бензінавага легкавіка абыходзіцца цяпер у 41 рубель 60 капеек. Тым часам штраф за кіраванне транспартным сродкам без тэхагляду складае да 3 базавых адзінак — да 96 рублёў.
Пры паўторнай сустрэчы з інспектарам без тэхагляду кіроўцу будзе пагражаць штраф ад 2 да 5 базавых адзінак — ад 64 да 160 рублёў.
Аднак галоўная мэта тэхагляду і атрымання допуску да ўдзелу ў руху — гэта бяспека на дарозе. Як самога кіроўцы, так і іншых удзельнікаў руху, адзначаецца ў паведамленні.