У Слоніме 30-гадовы мясцовы жыхар прынёс у банк для абмену купюру ў 100 еўра, якая пры праверцы аказалася фальшыўкай, паведамляе рэсурс УУС Гродзенскага аблвыканкама.
Мужчына патлумачыў, што ён працуе кіроўцам-дальнябойшчыкам у польскай фірме і гэтай купюрай з ім разлічыліся за працу.
Купюра канфіскавана. Раней падобных копій падробкі выяўлена не было, адзначаецца ў паведамленні.
Міліцыя тым часам нагадвае, што адзіны шанец мінімізаваць верагоднасць пападання да вас фальшывых грошай — гэта атрыманне іх на банкаўскую карту.
Фота УУС