Ілюстрацыйнае фота
За апошнія суткі ў Гродзенскай вобласці адбылося чатыры пажары, выратаваны адзін чалавек, паведамляе МНС.
Вечарам 8 верасня гарэў падвал пяціпавярховіка на вуліцы Маладзёжнай у Іўі. Агнём пашкоджаны камунікацыі электразабеспячэння і закурадымлены сцены.
У гэты ж вечар у садовым таварыстве Бытавік у Гродзенскім раёне гарэў дачны дом. Згарэў дах, агнём пашкоджаны сцены і маёмасць у доме.
У вёсцы Баярск Смаргонскага раёна вечарам 8 верасня гарэла прыватная гаспадарчая пабудова. Згарэў дах, пашкоджаны сцены будынка.
У першай палове дня 8 верасня ў вёсцы Клепачы Слонімскага раёна гарэў жылы дом, з якога была выратавана пенсіянерка 1957 года нараджэння.
Прычыны пажараў высвятляюцца.