Пешаход патрапіў пад машыну ў Гродне
Таксі збіла пешахода
Папярэдне ўстанавілі, што 43-гадовы кіроўца таксі “Фольксваген” ехаў у накірунку вуліцы Славінскага і пры пад’ездзе да нерэгуляванага пешаходнага перахода з-за няўвагі наехаў на 60-гадовага мужчыну, які ў гэты час пераходзіў дарогу.
На месцы ДТЗ з пешаходам у Гродне
Кіроўца ў апошні момант заўважыў пешахода і, спрабуючы пазбегнуць наезду, выкруціў руль управа, выехаў на тратуар і сутыкнуўся з металічнай скрыняй. Пешахода кіроўца зачапіў левай пярэдняй часткай машыны.
У выніку ДТЗ мужчыну з закрытай чэрапна-мазгавой траўмай і рознымі пашкоджаннямі твару шпіталізавалі ў бальніцу.
Падчас ДТЗ пешаход знаходзіўся ў стане алкагольнага ап’янення, адзначаецца ў паведамленні.
Па факце гэтага ДТЗ праводзіцца праверка.
Фота ДАІ