"Аўдзі" пасля ДТЗ
Раніцай 6 кастрычніка ў аператыўна-дзяжурную службу Мастоўскага РАУС паведамілі пра дарожна-транспартнае здарэнне на аўтадарозе Гродна-Ружаны-Івацэвічы, канстатуе абласная ДАІ.
Грузавік «Вольва»
47-гадовы кіроўца “Аўдзі” пры павароце налева ў накірунку аграгарадка Лунна не ўступіў дарогу грузавіку “Вольва”, які рухаўся насустрач.
У выніку сутыкнення кіроўца легкавіка з закрытай чэрапна-мазгавой траўмай і гематомай галаўнога мозгу шпіталізаваны ў рэанімацыйнае аддзяленне Мастоўскай райбальніцы.
Па факце гэтага ДТЗ узбуджана крымінальная справа.
Фота ДАІ