ДАІ
Каля 2 гадзін ночы ў мінулы аўторак на вуліцы Ткацкай у Гродне інспектары ДПС спынілі аўтамабіль “Хонда” пад кіраваннем 19-гадовага гродзенца з відавочнымі прыкметамі алкагольнага ап’янення, паведамляе рэсурс абласной ДАІ.
Паводле медыкаў, утрыманне алкаголю ў арганізме кіроўцы перавысіла дапушчальную норму ў 6 разоў.
У пратаколе апытання малады чалавек патлумачыў, што напярэдадні ў 22.30 дома ўжыў літр піва, пасля чаго паехаў на запраўку і мойку аўтамабіля. Калі ўбачыў, што за ім едуць супрацоўнікі ДАІ з уключанымі маячкамі чырвона-сінега колеру, то звярнуў на Рачную вуліцу і праз некалькі метраў спыніўся.
Цяпер маладому чалавеку пагражае штраф у 200 базавых адзінак і пазбаўленне права кіраваня транспартнымі сродкамі на 5 гадоў, адзначаецца ў паведамленні.
Фота ДАІ