Ілюстрацыйнае фота
Напрыканцы верасня 48-гадовы жыхар вёскі Астухава Карэліцкага раёна ўчыніў пагром у мясцовай краме, паведамляе УУС Гродзенскага аблвыканкама.
Мужчына ўжываў алкагольныя напоі, а раніцай пайшоў у краму за дабаўкай. У гандлёвай зале ён пашкодзіў кветкавы гаршчок, вагі, касавы апарат і мабільны тэлефон прадаўца. Агульны кошт нанесенай шкоды склаў 160 рублёў.
Падчас аператыўна-вышуковых мерапрыемстваў супрацоўнікі Карэліцкага РАУС устанавілі асобу хулігана і затрымалі яго.
Цяпер супраць мужчыны мясцовы райаддзел Следчага камітэта ўзбудзіў крымінальную справу за хуліганства, адзначаецца ў паведамленні.