Пасля сутыкнення
Днём 9 студзеня ў аграгарадку Тракелі, што ў Воранаўскім раёне, на скрыжаванні вуліц Закіпскага і Лідскай у выніку сутыкнення легкавіка “Аўдзі” і грузавой “ГАЗэлі” пацярпеў пасажыр, паведамляе абласная ДАІ.
На месцы ДТЗ
Папярэдне ўстанавілі, што 48-гадовы кіроўца “Аўдзі” ехаў па навігатары ў накірунку мяжы. На скрыжаванні мужчына праявіў няўважлівасць і не ўступіў дарогу “ГАЗэлі”, якая рухалася па галоўнай дарозе прама. Удар прыпаў у заднюю левую дзверцу легкавіка.
У выніку ДТЗ 48-гадовая пасажырка “Аўдзі”, якая сядзела за кіроўцам, была траўмавана і з падазрэннем на пералом таза дастаўлена ў бальніцу.
Абодва ўдзельнікі аварыі — мінчане, адзначаецца ў паведамленні. Па факце гэтага ДТЗ праводзіцца праверка.
Фота ДАІ