Гарэла хата ў Бераставіцкім раёне
За апошнія суткі ў Гродзенскай вобласці здарыліся два пажары, адзін чалавек траўмаваны, канстатуе МНС.
Пасля пажару
Вечарам 24 студзеня гарэла жылая хата ў вёсцы Паплаўцы Бераставіцкага раёна. Падчас самастойнага тушэння атрымаў апёкі рук 2-3 ступені цяжкасці, спіны і галавы (30% цела) гаспадар 1969 года нараджэня. Мужчына шпіталізаваны ў рэанімацыю Бераставіцкай цэнтральнай раённай бальніцы. У хаце агнём пашкоджана маёмасць і перакрыцці.
Наступствы
Раніцай 24 студзеня ў вёсцы Баравікі Дзятлаўскага раёна гарэла прыватная гаспадарчая пабудова. Агнём пашкоджана сцяна і дах на плошчы 2 кв. м.
Прычыны пажараў выяўляюцца.
Фота МНС