Падчас сустрэчы
Слонімскія выратавальнікі разам з актывістамі маладзёжнай арганізацыі выратавальнікаў-пажарных з гарадской СШ №10 арганізавалі інтэрактыўнае мерапрыемства для наведвальнікаў аддзялення дзённага прабывання для людзей сталага ўзросту цэнтра сацыяльнага абслугоўвання насельніцтва, паведамляе МНС.
Сустрэча прайшла ў межах акцыі “Бяспека — у кожны дом!” і ладзілася ў форме інтэлектуальнага спаборніцтва “Мудрасць/Юнацтва”.
Удзельнікі шукалі парушэнні ў макета печы, гулялі ў “Крокі выратавання”, разгадвалі галаваломкі і паказвалі свае здольнасці ў “СуперГУЛЬНІ МНС”.
Работнікі МНС тлумачылі камандам алгарытм дзеянняў у выпадку ўзнікнення надзвычайных сітуацый, паказалі, як карыстацца агнятушыцелем і паракамендавалі ўсталяваць у дамах аўтаномныя пажарныя апавяшчальнікі.
Выратвальнікі прадэманстравалі удзельнікам сустрэчы навучальны відэафільм і ўручылі інфармацыйныя буклеты з рэкамендацыямі ад МНС.
Фота МНС