Пра затрыманне жыхара Мастоўскага раёна, які ў студзені напісаў у чат-бот пра свае намеры запісацца ў “Полк Каліноўскага” і прыняць удзел у баявых дзеяннях, паведамляе БЕЛТА са спасылкай на УУС Гродзенскага аблвыканкама.
У адказ на сваё пасланне мужчына атрымаў падрабязныя інструкцыі, але быў затрыманы праваахоўнікамі раней, чым паспеў здзейсніць свой план, адзначаецца ў паведамленні.
Узбуджана крымінальная справа. Жыхару Мастоўшчыны пагражае да шасці гадоў пазбаўлення волі.
Фота БЕЛТА