Ілюстрацыйнае фота
Міліцыя Гродзенскай вобласці працягвае рэйды па выяўленню эканамічных злачынстваў на прадпрыемствах рэгіёна, канстатуе УУС Гродзенскага аблвыканкама.
Днямі супрацоўнікі аддзялення па барацьбе з эканамічнымі злачынствамі Лідскага РАУС разам з ДАІ устанавілі датычнасць да крадзяжу паліва 47-гадовага кіроўцы аднаго з мясцовых прадпрыемстваў.
Як высвятлілася, мужчына са жніўня мінулага і па люты гэтага года прысвоіў 445 літраў саляркі са службовага транспарту на агульную суму больш як 1000 рублёў.
Аналагічны факт быў выеўлены ў Смаргонскім раёне. Там у мясцовай арганізацыі 52-гадовы шафёр прысвоіў 320 літраў саляркі на суму больш як 700 рублёў.
Лідскім і Смаргонскім райаддзелам Следчага камітэта па гэтых фактах былі ўзбуджаны крымінальныя справы па артыкуле “Прысваенне ці растрата”, адзначаецца ў паведамленні.