У Елцы гарэла нежылая хата
На месцы байцы МНС выявілі ахоплены агнём драўляны будынак, які, па звестках сельсавета, рыхтаваўся да зносу.
Падчас тушэння пажару і правядзенні разведкі выратавальнікі ў адным з пакояў знайшлі мёртвым мужчыну, які самавольна пранік у будынак. Як высветлілася пазней, ім аказаўся 40-гадовы мясцовы жыхар, які вечарам сышоў з дому і не вярнуўся.
Байцы МНС ліквідавалі пажар. Агонь знішчыў дах і перакрыцці ды пашкодзіў сцены хаты.
Прычына гэтага пажару высвятляецца. Хутчай за ўсё да вогненнага здарэння прывяла неасцярожнасць пры паленні, адзначаецца ў паведмленні.
Яшчэ адзін пажар здарыўся днём 24 лютага ў горадзе Бярозаўка Лідскага раёна. Там гарэў жылы дом. Агнём пашкоджаны будынак, людзі не пацярпелі. Прычына пажару высвятляецца.
Фота МНС