Выяздное пасяджэнне ў Гродзенскім раёне
Днямі на базе аднаго з сяльгаспрадпрыемстваў Гродзенскага раёна адбылося выяздное пасяджэнне камісіі па разгляду справы аб адміністрацыйным парушэнні, паведамляе рэсурс абласной ДАІ.
Справа датычылася 43-гадовага работніка гэтага прадпрыемства, які ў 23.25 у першы дзень гэтага года на сваім легкавіку “Рэно” на аўтадарозе Р-41 “Слонім – Масты – Скідзель – мяжа Літоўскай Рэспублікі” выехаў на паласу сустрэчнага руху і трапіў у ДТЗ.
Медыцынскі агляд паказаў больш за 2 праміле алкаголю ў арганізме кіроўцы, што і стала асноўнай прычынай аварыі, адзначаецца ў паведамленні.
У выніку мужчына атрымаў 7400 рублёў штрафу і быў пазбаўлены правоў кіравання транспартнымі сродкамі на 5 гадоў.
Фота ДАІ