Мінівэн пасля сутыкнення
Раніцай 29 траўня на кальцавой, што на вуліцы Суворава ў Гродне, сутыкнуліся мінівэн "Peugeot" і грузавік МАЗ, гружаны цэглай, паведамляе рэсурс абласной ДАІ
МАЗ пасля сутыкнення
Устанавілі, што жыхар Смаргоні 1964 года нараджэння рухаўся на мінівэне з боку ААТ “Гроднажылбуд” у накірунку цэнтра і на кальцавой не спыніўся на забаронны сігнал светлафора ды сутыкнуўся з грузавіком, які ехаў у прамым накірунку з вуліцы Маслакова на дазвольны сігнал светлафора.
На месцы ДТЗ
Пры сутыкненні «Peugeot» велецеў за межы праезджай часткі і стукнуўся аб асвятляльную апору. Кіроўца знаходзіўся ў машыне адзін, быў прышпілены пасам бяспекі і траўмаў не атрымаў. А вось яго мінівэн атрымаў сур’ёзныя механічныя пашкоджанні і сваім ходам месца ДТЗ пакінуць не змог.
У Гродне
ДАІ заклікае кіроўцаў быць уважлівымі пры праездзе скрыжаванняў з кальцавым рухам.
Фота ДАІ