Слонімскі драмтэатр
7 ліпеня
Пачатак у 12.00
А.Хайт
рэжысёр — В.Сявец
Ролi выконваюць: Леапольд — Сяргей Яўменаў, Мыш Шэрая — Iрына Яцук (Наталля Бярэзiна), Мыш Белая — Галiна Ерамейчык, Доктар Уладзiмiр Навумiк, Бабуля — Вiкторыя Мiхальчык.
У доме 8/16 жыве Кот Леапольд, які збіраецца адсвяткаваць свой дзень нараджэння. Ён вельмі добры, ласкавы, выхаваны, шмат чытае, дапамагае па гаспадарцы сваёй бабулі і хоча з усімі жыць у дружбе і згодзе.
А вось яго суседзі — Белая і Шэрая Мышы, якія жывуць у двары гэтага ж дома, вядомыя сваім непаслушэнствам, свавольствам і дзёрзкімі выхадкамі. Яны, можа, і нядрэнныя, але ніколі не ведалі, што такое сапраўдная дружба, а таму абвяшчаюць Леапольда сваім лютым ворагам і ўсяляк імкнуцца яму напаскудзіць, асабліва ў яго святочны дзень…
Пёс-Доктар хоча дапамагчы добраму Кату правучыць надакучлівых Мышэй і прапісвае яму спецыяльныя найноўшые лекі, якія хоць на нейкі час зробяць Леапольда моцным і дапамогуць справіцца з хуліганамі. Мышы, у сваю чаргу, спрабуюць завалодаць гэтымі лекамі. Аднак яны крадуць з сумкі Сабаку-Доктара зусім іншую мікстуру, ужыўшы якую губляюць памяць…
Ох, і чаго толькі не адбудзецца ў гэты дзень! Шаноўны кот Леапольд і яго вёрткія супраціўнікі-Мышы прымусяць смяяцца са сваіх выхадак і… абавязкова памірацца!