Аляксандр Лукашэнка 28 лістапада падпісаў указ № 411, якім зацверджаны важнейшыя параметры прагнозу сацыяльна-эканамічнага развіцця Беларусі на 2023 год, паведамляе БЕЛТА са спасылкай на прэс-службу прэзідэнта.
Паводле прагнозу, рост валавога ўнутранага прадукту запланаваны ў памеры 103,8 % да ўзроўню бягучага года, рэальных наяўных грашовых даходаў насельніцтва — 104,1 %, інвестыцый у асноўны капітал — 122,3 %, экспарту тавараў і паслуг — 105,5 %.
Для дасягнення важнейшых параметраў урад зацвердзіць мэтавы план на 2023 год. У ім будуць сканцэнтраваны ўсе меры і рэсурсы, неабходныя для бесперабойнай і эфектыўнай работы арганізацый ва ўмовах санкцый, а таксама для павышэння ўзроўню жыцця насельніцтва.
Галоўнай крыніцай росту эканомікі ў наступным годзе стане нарошчванне інвестыцый у асноўны капітал. Інвесціраваць плануецца па трох асноўных напрамках.
У будаўніцтва жылля і інфраструктуры да яго — на суму Br7,7 млрд. Будзе пабудавана 4,3 млн кв.м жылля, у тым ліку 1,3 млн кв.м з дзяржаўнай падтрымкай, арэнднага жылля — не менш за 735 тыс. кв.м.
У стварэнне і развіццё інфраструктуры ў рэгіёнах інвестыцыі складуць Br7,9 млрд. Запланавана будаўніцтва 17 дзіцячых дашкольных устаноў, 9 устаноў агульнай сярэдняй адукацыі, 22 фізкультурна-аздараўленчых комплексаў, 7 басейнаў, 21 спартыўнага аб’екта, 46 аб’ектаў аховы здароўя, 22 мастоў і пуцеправодаў на рэспубліканскіх і аўтамабільных дарогах, 30 — на мясцовых.
У інвестыцыйныя праекты і тэхнічнае перааснашчэнне будзе ўкладзена Br31,2 млрд. Прадугледжана рэалізацыя 129 інвестпраектаў, 14 інтэграцыйных праектаў, 51 вытворчага імпартазамяшчальнага праекта.
Для дасягнення прагназуемага росту эканомікі ў 2023 годзе экспарт запланаваны ў памеры $47,7 млрд. пры тэмпах росту 105,5 працэнта.
Страты экспарту ў краіны Захаду і Украіну плануецца кампенсаваць за кошт нарошчвання прысутнасці на рынках Расіі, КНР, краін Блізкага Усходу, Цэнтральнай Азіі і Афрыкі.
Прадугледжваецца павелічэнне аб’ёму паставак у Расію на 6,5 працэнта, КНР — на 15 працэнтаў, краіны Афрыкі — на 10 працэнтаў.
У выніку дадатнае сальда знешняга гандлю складзе $1,6 млрд. Гэта забяспечыць збалансаванасць плацежнага балансу, акажа станоўчы ўплыў на падтрыманне эканамічнай бяспекі краіны на належным узроўні.
У цэлым па эканоміцы намінальная налічаная сярэднямесячная заработная плата прагназуецца ў памеры Br1938, у бюджэтным сектары — Br1454.
Фота БЕЛТА
Одна из главных достопримечательностей Гродненщины — подвесной пешеходный мост в городе Мосты официально открыли после…
С первыми по-настоящему тёплыми днями дачники вышли на участки: кто высаживает рассаду, кто рыхлит грядки,…
В апреле четыре объекта недвижимости в Слониме и Слонимском районе приобрели новых владельцев.
Анлайн-кінатэатр VOKA ад А1 выпусціў у беларускай агучцы фільм «Іншаземец». Гэты баявік з Джэкі Чанам…
Белорусы могут смотреть новый семейный телеканал «КиноМульт». Канал viju TV1000 Драма прекратил вещание.
Только чудо и бдительность машиниста предотвратили трагедию на железной дороге.