Пра гэта паведамляе рэсурс абласной міліцыі
Падчас праверкі
Галоўная мэта сумеснага рэйду розных падраздзяленняў раённай міліцыі — папярэджанне правапарушэнняў і злачынстваў у сферы аграпрамысловага комплексу, адзначаецца ў паведамленні.
Пад асаблівым кантролем міліцыянераў быў фізічны стан работнікаў, тэхнічнае ўмацаванне механічных двароў, захоўванне гаруча-змазачных матэрыялаў і іншай маёмасці сельгаспрадпрыемстваў, а таксама транспартная дысцыпліна.
Як адзначыў начальнік мясцовага аддзела ДАІ Дзмітрый Аскерка, правяралі спраўнасць светлавых прыбораў, абсталяванне сельскагаспадарчай тэхнікі святлоадбівальнымі элементамі, выкарыстанне праблясковых маячкоў аранжавага колеру пры руху па дарогах самаходных машын, сельскагаспадарчай тэхнікі, праходжанне дзяржаўнага тэхагляду, фізічны стан кіроўцаў і наяўнасць у іх дакументаў, якія пацвярджаюць права кіравання.
ДАІ нагадвае, што ўдзел у дарожным руху самаробных трактароў і іншай такой тэхнікі, не зарэгістраванай ва ўстаноўленым парадку, забаронены. Такая тэхніка павінна быць зарэгістравана ў інспекцыі Дзяржтэхнагляду, а кіроўца мусіць мець пасведчанне трактарыста адпаведнай катэгорыі.
Пры парушэнні парадку ўдзелу ў дарожным руху сельскагаспадарчай тэхнікі прадугледжаны штраф ад 5 да 50 базавых адзінак, які накладаецца як на кіроцу, так і на адказную асобу прадпрыемства.
Падчас рэйду не засталіся без увагі фізічны стан кіроўцаў і забеспячэнне аграрыяў працоўнай вопраткай са святлоадбівальнымі элементамі.
Фота УУС
С 16 июня введено ограничение на посещение лесов в Слонимском районе.
16 июня в 15:09 в службу спасения поступило сообщение о пожаре в жилом доме по…
С 17 июня Национальный банк вводит в обращение серию памятных монет «Гісторыя беларускай чыгункі. Цягнікі».…
Утром 17 июня в 04:43 спасателям поступило сообщение о дорожно-транспортном происшествии в агрогородке Субботники Ивьевского…
Это самая романтичная пара среди знаков зодиака.
Представитель ЖКХ пояснил, от каких жилищно-коммунальных услуг можно отказаться, а от каких – нельзя.