Мікалая Аўтуховіча абвінавачваюць у незаконным перавозе з Украіны зброі і боепрыпасаў

Як перадае БЕЛТА, Мікалая Аўтуховіча абвінавачваюць у незаконных дзеяннях у адносінах агнястрэльнай зброі і выбуховых рэчываў.

Дзяржабвінаваўца на судовым працэсе сказаў, што Мікалай Аўтуховіч разам з Артурам Папко (цяпер знаходзіцца ў вышыку) ў лістападзе 2020 года ва Украіне незаконна набылі пісталеты, самаробнае прыстасаванне для глушэння гуку, боепрыпасы, тратылавыя шашкі, выбуховыя прыстасаванні. Яны, паводле пракурора, незаконна захоўвалі і перавозілі зброю.

Гэтыя дзеянні былі ў звязцы з мэтай захопу ўлады, не выключалася і фізічнае знішчэнне кіраўніка дзяржавы, адзначаецца ў абвінавачванні.

Паводле абвінаваўцы, 13 лістапада 2020 года ўсё набытае ўзбраенне даставілі з-за мяжы і перамясцілі праз незаконны карыдор па-за пагранічным пунктам у Ляльчыцкім раёне. Потым узбраенне перанеслі на месца жыхарства Віктара Снегура. Вечарам на машыне ўзбраенне перавезлі ў суседнюю вёску, пазней — у глыб краіны. Частку ўзбраення Мікалай Аўтуховіч захоўваў пры сабе, частку — схаваў у тайніках у Мінскім раёне. Месца, дзе яно было закапана, Мікалай Аўтуховіч пазначыў і зафіксаваў на тэлефон.

16 лістапада, па дадзеных следства, частку зброі і патронаў ён перавёз у Крупскі раён і перадаў Вользе Маёравай.

19 лістапада Мікалай Аўтуховіч падрыхтаваў выбуховае прыстасаванне і ноччу разам з хаўруснікамі ўзарваў аўтамабіль супрацоўніка міліцыі ў Гродне. Разам з Ірынай Гарачнікавай, якая не ўваходзіла ў склад групы, Мікалай Аўтуховіч перавёз агнястрэльную зброю ў Брэст, канстатаваў дзяржаўны абвінаваўца.

Выслухаўшы абвінавачванне, Мікалай Аўтуховіч не прызнаў сябе вінаватым у поўным аб’ёме, адзначае БЕЛТА.

Фота і відэа БЕЛТА