Артысты Слонімскага драмтэатра падрыхтавалі прэм'еру для дзяцей.
У нядзелю, 4 снежня, у Слонімскім драмтэатры пакажуць прэм’еру спектакля для дзяцей, а для дарослых — камедыйную прытчу.
Спектакль для дзяцей «Вася Лайдачкін у краіне Шкодных Звычак» раскажа пра хлопчыка Васю з незвычайнай мянушкай – Лайдачкін. Не любіў Вася ні вучыцца, ні працаваць, а вось лайдачыць любіў. Таму і займеў такую абразлівую мянушку. Пасябравалі з Васем Лайдачкіным Шкодныя Звычкі. І не проста пасябравалі, а нават да сябе ў госці запрасілі, у краіну Шкодных Звычак. Толькі позна зразумеў Вася, што трапіць у гэтую краіну лёгка, а вось выбрацца з яе не кожнаму пад сілу… А што далей з Васем Лайдачкiным сталася – даведаюцца тыя гледачы, якія паглядзяць новы спектакль.
Пачатак у 12.00.
Спектакль ідзе на беларускай мове, працягласць — 45 мін.
У гэты дзень, 4 снежня, дарослыя змогуць паглядзець камедыйную прытчу «Камедыя».
Сцэна са спектакля «Камедыя». Фота: Слонімскі драмтэатр
Камедыя пра тое, як пакрыўдзіўся Селянін на самога Адама, прабацьку чалавецтва, за тое, што Адам награшыў, а за грэх яго павінны пакутаваць простыя людзі. І вось у адзін з такіх пакутных дзён з’явіўся да Селяніна сам Чорт. І запытаўся Чорт у Селяніна: “А сам ты хто такі будзеш? На што годны?” Прапанаваў Чорт Селяніну выпрабаваць сябе, моц сваю чалавечую і волю праверыць. Ды не проста так — за грошы. Ці вытрымае Селянін іспыты?
У спектаклі занятыя артысты: Уладзімір Навумік, Надзея Ільчанка, Ірына Яцук, Сяргей Яўменаў.
Спектакль ідзе на беларускай мове, працягласць — 1 г 30 мін.
Трагедия произошла 5 мая в Гродно: из окна многоэтажного дома выпала маленькая девочка. Установлено, что…
Ночью 8 и 9 мая местами по Гродненской области ожидаются заморозки до -3 градусов.
Прогноз погоды по Гродненской области на май 2024 года
Попробуйте этот уникальный салат с фаршем, который не оставит равнодушным ни одного гурмана. Основа салата…
В Брестской области проиндексированы именные приватизационные чеки "Жилье". Решение Брестского облисполкома от 26 апреля 2024…
"Белтелеком" проинформировал о перебоях с вещанием, которые будут наблюдаться 7, 8 и 10 мая в…