21 жніўня супрацоўнікі Дзяржаўтаінспекцыі на абазе УА “Слонімскі дзяржаўны каледж” сумесна з супрацоўнікамі Транспартнай інспекцыі і пры ўдзеле намесніка старшыні райвыканкама Тэрэсы Юшкевіч ды начальніка ўпраўлення адукацыі райвыканкама Святланы Валько правялі конкурс-агляд школьных аўтобусаў і прафесійнага майстэрства кіроўцаў, паведамляе рэсурс абласной ДАІ
Праверка ПДР
Агляд аўтобусаў
Конкурс праводзіўся з мэтай удасканаляння працы па забеспячэнні бяспекі пры перавозцы дзяцей з дому ў школу і назад, павышэння прафесійных кампетэнцый кіроўцаў, выяўлення і ўзнагароджання лепшых з іх.
Агляд-конкурс праходзіў у тры этапы.
У першым этапе выяўлялі кіроўцаў аўтамабіляў, якія валодаюць найбольш высокімі тэарэтычнымі ведамі ў сваёй прафесіі — веданне Правіл дарожнага руху. Правяралі веды з дапамогай камп’ютарнай тэхнікі. Час, затрачаны ўдзельнікамі конкурсу на адказы, фіксавала журы.
Удзельнікі конкурсу
У другім этапе вызначалі лепшы аўтобус на гатоўнасць да працы ў новым 2023/2024 навучальным годзе. Да ўдзелу ў конкурсе было прадстаўлена 13 транспартных сродкаў Слонімскага раённага цэнтра для забеспячэння дзейнасці сферы адукацыі. Транспарт быў правераны на тэхнічную спраўнасць, на спраўнасць светлавых прыбораў, на наяўнасць агнятушыльнікаў, сродкаў дэзінфекцыі і наяўнасць дамовы абавязковага страхавання.
Трэці этап быў практычны, дзе вызначаліся лепшыя кіроўцы на хуткаснае манеўраванне.
Праверка аўтобуса на гатоўнасць да працы
Кожны ўдзельнік конкурсу выканаў усе практыкаванні. Пасля праходжання ўсіх этапаў, камісія падвяла вынікі конкурсу. Лепшыя кіроўцы былі ўзнагароджаны граматамі ўпраўлення адукацыі Слонімскага райвыканкама і грашовымі прызамі. Узнагароджанне ўдзельнікаў і пераможцаў конкурсу праводзілася на сродкі Слонімскай раённай арганізацыі рэспубліканскага грамадскага аб’яднання “Белая Русь”.
Фота на памяць пасля конкурсу
Кіроўцы, якія не занялі прызавых месцаў, таксама былі ўзнагароджаны прэміямі за ўдзел у конкурсе. А пераможцамі сталі Павел Паўлавіч Шэўчык — 1 месца, Ігар Уладзіміравіч Юрэня — 2 месца і Яўген Уладзіміравіч Ільчанка — 3 месца.
Представитель ЖКХ пояснил, от каких жилищно-коммунальных услуг можно отказаться, а от каких – нельзя.
Возраст наступления первого цикла и возраст вступления в менопаузу связаны с продолжительной жизнью женщины, считают…
Национальный банк установил новые курсы валют на вторник, 17 июня 2025 года. Доллар подешевел, а…
Министерство труда и социальной защиты напомнило, какие данные обязательно должны быть указаны в расчетном листке…
По предварительным данным, около 16:00 на 16-м километре автодороги Р-145 «Гродно — Острино — Радунь…
Сумма ущерба, причиненного огнем, составила 168 000 рублей.