У Слоніме прайшоў рэспубліканскі фестываль сямейнай творчасці “Жывіце ў радасці”

Свята пачалося ў гарадскім парку з прывітання і шэсця ўдзельнікаў фестывалю.

Потым у Слонімскім цэнтры культуры і адпачынку адбылося ўрачыстае адкрыццё фестывалю. Перад уваходам у цэнтр культуры разгарнулася выстава-конкурс сямейнай творчасці “Творчая майстэрня сямейнага дабрабыту”.

З прывітальным словам да ўдзельнікаў звярнулася начальнік упраўлення культуры Гродзенскага аблвыканкама Алена Клімовіч.

Прывітальны адрас атрымалі ўдзельнікі і ад міністра культуры Анатолія Маркевіча.

Асноўнай часткай імпрэзы стаўся конкурс сямейных калектываў “Жыццё як творчасць”.

У гарадскім парку тым часам слонімцаў і гасцей забаўлялі творчыя калектывы Гродзеншчыны, а пасля на адкрытай пляцоўцы і ўдзельнікі фестывалю.

Вечарам у канцэртнай зале цэнтра культуры адбылася цырымонія ўзнагароджання пераможцаў фестывалю і канцэрт артыстаў беларускай эстрады “Зорная ростань”.

Гран-пры фестывалю “Жывіце ў радасці” заваяваў сямейны фальклорны калектыў роду Лямбовічаў «Крона» з Мінскай вобласці.