На скрыжаванні пасля ДТЗ
Пасля наезду
На месцы інспектары ўстанавілі, што 18-гадовы кіроўца легкавіка “Фольксваген Пасат” рухаўся па вуліцы Таўлая з боку вуліцы Курчатава ў накірунку колавай развязкі вуліц Брыкеля – Магістральная і на нерэгуляваным пешаходным пераходзе каля будынка №33А не ўступіў дарогу пешаходу і наехаў на яго.
Па словах відавочцаў наезду, 61-гадовы пешаход пераходзіў дарогу справа налева па ходу руху аўтамабіля і практычна завершыў пераход праезджай часткі.
Перад пешаходным пераходам у тым месцы маюцца штучныя няроўнасці, а сам пераход асветлены ліхтарамі.
Пасля аварыі мужчыну шпіталізавалі з пераломамі абедзвюх галёнак.
Па факце гэтага ДТЗ праводзіцца праверка.
Малады чалавек атрымаў правы кіроўцы сем месяцаў назад, адзначае рэсурс ДАІ.
Фота ДАІ